Балтачта коронавируска каршы прививка ясау дәвам итә

Балтач районында халыкны яңа коронавирус инфекциясеннән вакцинацияләү дәвам итә.

—Исегезгә төшерәбез, поликлиникада вакцинация кабинеты ял көннәрендә штат режимында эшли. Килегез, прививка ясатыгыз. Үзегезне һәм якыннарыгызны саклагыз! — ди район ак халатлылары.

Үзәк район хастаханәсенә килгән балтачлылар тәүдә табиб тикшерүе үтәләр. Саулыклары торышы буенча прививка ясатуга каршылыклар булмаган очракта прививка ясатырга рөхсәт бирелә.

Прививка ясатуга аңлы караган балтачлылар партиянең урындагы башкарма комитеты тарафыннан әзерләнгән бүләкләр кабул итә.

Саулыгыгызга битараф булмагыз!