Зона ярышларыннан җиңүләр белән!

27 апрель көнне Агыйдел шәһәрендә Нефтекама, Агыйдел, Яңавыл шәһәрләреннән һәм Дүртөйле, Бәләбәй, Салават, Илеш, Балтач районнарыннан йөзүчеләр җыелган "Язгы тамчы" йөзү буенча Башкортстан Республикасының төньяк-көнбатыш зонасы беренчелеге узды.

"Яшьлек" физкультура-савыктыру комплексы командасын ярышларда тренер-укытучы Артур Галимханов Артур җитәкчелегендә тугыз яшь спортчы тәкъдим итте.

Нәтиҗәләргә килгәндә:

Айрат Хәйруллин (ирекле стиль белән 100 м дистанциядә) – 1нче урын;

Камиль Гайниәхмәтов (50 м брасс дистанциясендә) – 2нче урын;

Татьяна Галимханова (ирекле стиль белән 50 м дистанциядә) – 3 нче урын;

Ридаль Гатин (ирекле стиль белән 100 м дистанциядә) – 3нче урын;

Ирина Хаҗимуллина (баттерфляй белән 50 м дистанциядә) – 3нче урын.

Ярышларда җиңүчеләрне, призерларны һәм аларның тренерларын котлыйбыз, алга таба да яңа үрләргә ирешүегезне, нәтиҗәләрегезне яхшыртуыгызны һәм разрядларыгызны күтәрүегезне телибез.