Укытучылар чаңгы юлына чыктылар!

Бүген, 7нче гыйнварда, районның мәгариф учреждениеләре хезмәткәрләре арасында "Сәламәтлек-2025" Спартакиадасы исәбенә чаңгы ярышлары үтте.

Ярыш нәтиҗәләре буенча шәхси һәм команда беренчелегендә җиңүчеләр  ачыкланды. Соңгысында алты команда катнашты. Иске Балтач 1нче урта мәктәбе  – беренче, Түбән Иванай урта мәктәбе – икенче һәм Штәнде урта мәктәбе командасы өченче урынга чыкты.

Шәхси зачетта 40 яшькә кадәр ирләр арасында беренче урынга – Фәнзәт Әхмәтов (Иске Балтач 1нче урта мәктәбе), икенче урынга – Рудислав Беляев (Түбән Иванай урта мәктәбе), өченче урынга Дамир Солтанов (Иске Балтач 2нче урта мәктәбе) лаек булдылар.

Әлеге категориядә хатын-кызлар арасында Гөлия Хәйруллина (Иске Балтач 1нче урта мәктәбе) җиңү яулады. Икенче урында – Надежда Беляева (Түбән Иванай урта мәктәбе), өченче урында – Гөлназ Хәйруллина (Уразай урта мәктәбе).

40 яшь һәм өлкәнрәк ирләр арасында 1нче урынны – Эрик Исиметов (Иске Балтач 1нче урта мәктәбе), 2нче урынны – Әлфир Карамов (Штәнде урта мәктәбе), 3нче урынны Георгий Беляев (Түбән Иванай урта мәктәбе) яуладылар.

Хатын-кызлар арасында беренче урынга - Альбина Загафуранова (Сәйтәк урта мәктәбе), икенче урынга – Валентина Гәрәйшина (Иске Балтач 1нче урта мәктәбе) һәм өченче урынга Светлана Тимербаева (Түбән Иванай урта мәктәбе) чыктылар.

Яңа ел бәйрәмнәре күңелле һәм файдалы үтә! Афәрин, балтачлылар.