Балтачлылар янә алдынгылар!

7нче декабрьдә, “Яшьлек” физкультура-савыктыру комплексында, традицион үткәрелгән эстетик гимнастика буенча “Зимушка” турниры узды.

Уфа, Мәләвез шәһәрләре һәм Борай, Иске Балтач авылларыннан 350дән артык яшь спортчыны бергә җыйды “Яшьлек” комплексы.

Спортчыларыбыз ярышларда уңышлы  чыгыш ясап, “Агидель-Бусинки” – беренче урын, “Агидель-Куколки” – икенче, “Агидель-Капельки”, “Агидель-Звездочки” һәм “Агидель-Малина” командалары өченче урынны яуладылар.

Балтачлыларның уңышлы чыгышлары белән барысын да ихлас тәбрик итәбез. Шундый җиңүләр алдагы тормышларында да зур этәргеч булып торсын.