Шахмат осталары көч сынашты

Бүген шахмат спорты ветераны Фәнзәви Миңнеәхмәтовның 75 яшьлек юбилее уңаеннан ирләр арасында шахмат турниры узды.

“Ход конем” шахмат клубында биредәге уен сөючеләре каралы-аклы такта өстендә фигуралар белән көрәшеп, шахмат уенының төрле булуын һәм беренче караштан күренгәнчә җиңел түгеллеген күрсәттеләр. 

Әлбәттә, барысы да җиңүче булмый. Бу юлы беренчелекне Айнур Айдарбәков яулады. Икенче урынга – Фәнзәви Миңнеәхмәтов, өченче урынга Альберт Шәйхлисламов һәм Фәнзәл Синәтуллиннар чыкты. Җиңүче һәм призерларга грамоталар һәм акчалата бүләкләр тапшырылды.

Район Хакимияте вәкиле Фәнзәви Миңнеәхмәтовка 75 яшьлек юбилее уңаеннан истәлекле бүләк тапшырды.