Чакмагыштан сөенечле хәбәр!

Бүген “Чакмагыш-Арена” боз шугалагында 2010-2011нче елгы яшь хоккейчылар арасында “Алтын алка” республика турнирының финал ярышлары үтте.

Финал ярышларда Чакмагыш, Миякә, Уфа, Благовар, Балтач, Благовещенск, Чишмә районнары һәм Межгорье ябык административ-территориаль берәмлек хоккейчылары көч сынашты.  Кызу уеннар ике көн дәвам итте.

Турнир нәтиҗәләре буенча Чакмагыш районының “Ястребы” командасы  “Алтын алка” турниры чемпионнары исемен яулады. Икенче урынны Благовещенск районының “Метеор” командасы алды. Өченче урынга Балтач районының “Танып” командасы чыкты. 

"Яшьлек" физкультура-савыктыру комплексы тәрбияләнүчеләрен һәм тренер Евгений Геннадьевичны уңышлары белән котлыйбыз!