Укытучылар ГТО нормативларын тапшыруны дәвам итәләр

"Яшьлек" физкультура-савыктыру комплексында районның белем бирү оешмалары хезмәткәрләре арасында ГТО фестиваленең икенче көне үтте.

Бу юлы чарада Штәнде, Югары Карыш һәм Иске Балтач 1нче урта мәктәпләреннән төрле яшь категорияләре укытучылары катнашты.

Алар 30 метрга йөгерү, 50 метрга йөзү, урыннан озынлыкка сикерү, яткан килеш гәүдәне күтәрү, гер күтәрү буенча ГТО нормативларын тапшырдылар.

 - Барлык күнегүләр дә  яшь үзенчәлекләрен исәпкә алып тупланган. Сәламәтлек өчен ГТО нормативларын тапшыру зур әһәмияткә ия. Тизлек, җитезлек, сыгылмалылык кебек кирәкле сыйфатлар тикшерелә биредә", — дип билгеләп үтте ГТО ярышларының баш хөкемдары Фәрит Галимов.