Укытучылар ГТО нормативларын тапшыра

Бүген "Яшьлек" физкультура-савыктыру комплексында районның белем бирү оешмалары хезмәткәрләре арасында ГТО фестиваленең беренче көне үтте.

Чарада районның Иске Балтач 2нче урта, Иске Балтач башлангыч белем бирү һәм Сәйтәк урта мәктәбеннән төрле яшь категорияләре укытучылары катнашты.

Алар үзләрен  урыннан озынлыкка сикерү, яткан килеш гәүдәне күтәрү, гер күтәрү, 30 метрга йөгерү, 50 метрга йөзү һәм башка төрләр буенча сынадылар. Сынауларның барлык нәтиҗәләре судьялар тарафыннан теркәлеп барды.

Чарада катнашучылар яхшы физик әзерлек күрсәттеләр һәм ГТОның аерымлык билгеләренә сынауларны лаеклы үттеләр.