Балтачлылар —иптәшләрчә турнир җиңүчеләре

25нче декабрьдә "Яшьлек" физкультура-савыктыру комплексында, спорт һәм сәламәтлек декадасы кысаларында, Балтач һәм Аскын районнары  командалары арасында мини-футбол буенча иптәшләрчә турнир үтте.

Ярышлар барышында яшь спортчылар мавыктыргыч һәм кызыклы уен күрсәттеләр. Футбол уенчыларга һәм җанатарларга уңай эмоцияләр бүләк итте.

Турнир нәтиҗәләре буенча беренче урынны – Балтач районы, икенче урынны Аскын районы командасы яулады. Безнең район командасын тренер Арсен Латыйпов җитәкчелегендәге "Яшьлек" физкультура-савыктыру комплексы тәрбияләнүчеләре тәкъдим итте.

Ярышларда катнашучыларны котлыйбыз, спортта уңышлар һәм киләчәктә җиңүләр телибез!