“Миләшкәй”ләр—ГТО яклы

Бүген тест үткәрү үзәге хезмәткәрләре тарафыннан “Миләшкәй” балалар бакчасы тәрбияләнүчеләре арасында  ГТО нормативларын кабул итү оештырылды.

Балалар бакчасында тәрбияләнүчеләр 6 яшьтән алып 8 яшькә кадәрге төркемдә нормативлар тапшырдылар, бу ГТОның I баскычына туры килә.

Чарада 21 бала катнашты.

- Ни өчен ГТО мәктәпкәчә яшьтәгеләрдән башлап кертелергә тиеш? Нәкъ менә мәктәпкәчә яшьтә физик үсеш, сәламәтлек өчен нигез салына. Балачакның бу чоры балалар организмының барлык функцияләрен әкренләп камилләштерү белән характерлана, - ди белгеч.

Катнашучылар күңелле чарадан канәгать калды, аларның иң көчлеләре ГТОның аерымлык билгеләре белән бүләкләнәчәк.