Яңа елга бүләк – яңа табиб амбулаториясе

Бүген, Түбән Карыш авылында, тантаналы рәвештә яңа табиб амбулаториясе ачылды.

Авыл тормышында мөһим урын алып торган объект  “Сәламәтлек саклау” милли проектының “Медицинаның башлангыч  звеносын модернизацияләү” программасы чикләрендә тормышка ашырылды.

Биредә табиб-терапевт, табиб-педиатр, фельдшер кабул итү һәм прививка, процедура кабинетлары бар. Шулай ук персонал һәм медицина препаратларын саклау өчен бүлмә, стоматология кабинеты да каралган. Хәтта фильтрбокс та бар. Халык өчен барлык уңайлыклар да булдырылган.

Тантанада район Хакимияте башлыгы Илгиз Субушев, Башкортстан Республикасы Сәламәтлек саклау министрлыгы вәкиле Булат Гарифуллин, үзәк район дәваханәсе баш табибы Салават Гыйльметдинов, Түбән Карыш авыл биләмәсе башлыгы Ильяс Шәймөхәмәтовлар  катнашты.

Сәламәтлек саклау министрлыгы вәкиле Булат Гарифуллин үз чыгышында яңа амбулаториянең ачылышы халыкның сәламәтлеген саклауга, ныгытуга файдалы йогынты ясаячагына ышаныч белдерде.  Сәламәтлек саклау министрлыгы исеменнән барлык карышлыларны икеләтә бәйрәм белән котлап үтте.

Гөлшат Такиуллина Түбән Карыш авылы халкына менә инде 24 елдан артык вакыт медицина хезмәте күрсәтә.

Карышлылар исеменнән беренчел ветераннар оешмасы рәисе Гыйззат Суфияров барысына да рәхмәт сүзләрен җиткерде.

Символик кызыл тасманы кисү тантанасыннан соң кунаклар яңа амбулатория кабинетлары белән танышҗылар. Ул барлык стандартларга һәм санитар нормаларына тулысынча туры килә. Халыкка сыйфатлы һәм вакытлы ярдәм күрсәтү өчен барлык шартлар да тудырылган.  Кирәкле медицина техникасы, инструментлар, мебель белән җиһазландырылган.

Яңа табиб амбулаторияне ачу тантанасы оешкан төстә узды. Бәйрәмгә район мәдәният сарае хезмәткәрләре тарафыннан әзерләгән концерт номерлары тагын да ямь өстәде.