Вируссыз бәрәңгенең дүрт сортын утыртсагыз отарсыз

Быел филиал бәрәңгенең дүрт сортын тәкъдим итте: Горняк, Барон, Аляска һәм Люкс. Аларның һәркайсы үзенчәлекле сыйфатларга һәм өстенлекләргә ия. Урал авыл хуҗалыгы фәнни-тикшеренү институты эшләгән Горняк сорты уртача иртә өлгерә торган сортка керә һәм 65-80 көндә өлгерә. Бу сорт бәрәңге вак күзле түгәрәк формада, сары кабыклы һәм йомшак сары эчле. Бүлбенең уртача авырлыгы 87-183 грамм, крахмал микъдары 16 процентка җитә. Бу сорт бик яхшы саклануы белән аерылып тора — 97  процентка кадәр, бәрәңге яман шешенә һәм кайбер вируслы авыруларга чыдам, шулай ук пешерү өчен яхшы, чөнки әзерләгәндә таркалмый. Барон — Урал селекционерлары чыгарган иртә өлгергән ашханә сорты. Бүлбеләрнең кабыгы сары төстә, озынча түгәрәк формада һәм йомшагы ачык сары төстә. Бер бүлбенең авырлыгы 109-193 грамм, крахмал — якынча 13-15 процент. Бу сорт яхшы тәм сыйфатлары һәм тыгыз структурасы белән дан тота, шуның аркасында бәрәңге пешергәндә таркалмый. Уртача срокта өлгерә торган Аляска срогы үсемлекләрнең уртача үсүе һәм ярым туры формасы белән характерлана. Яфраклары уртача зурлыкта, куе яшел төстә, ә бүлбеләре вак күзле һәм кызыл кабыклы озынча формада. Бүлбенең авырлыгы 98 дән 149 граммга кадәр, крахмал микъдаре 11,0-15,0 процент, тәме тәмле. Бәрәңге яман шешен кузгатучыга hәм нематодага чыдам, фитофторога сизгер.

Язын бу материалны, бәрәңгенең беренче буынын алу өчен, ачык грунтка утырталар. Бер кечкенә бәрәңгедән 20 гә кадәр һәм аннан да күбрәк бүлбе алырга мөмкин. Сүз уңаеннан, бер төрле сорт бәрәңге бер урында биш елга кадәр үстерелергә мөмкин, аннары аны яңартырга кирәк. Мондый бәрәңгене орлыкка сатып алу өчен «Россельхозцентр» ФДБУнең Балтач районара бүлегенә, Иске Балтач авылы, Совет 25 урамы, 89279532595 телефоны буенча мөрәҗәгать итәргә мөмкин.

     Рәүзәнә Хаматнурова, “Россельхозцентр” учреждениесенең Балтач районара бүлеге баш агрономы.