Кишерне кышка ничек дөрес итеп сакларга?

Саклау кагыйдәләре:

Кышка бары тик зарарланмаган, сәламәт тамыразыкларны гына сайлап алыгыз.

Җыйганнан соң, кишерне яхшылап киптерергә һәм җилләтергә кирәк.

Саклау өчен иң кулай температура — 0...+2 градус җылылык.

Иң нәтиҗәле ысул — подвал яки базда ком тутырылган тартмаларда саклау.

Саклау шартлары бозылса, нинди авырулар куркыныч?
Температура һәм дымлылык режимы сакланмаса, кишер тиз бозыла:

Ак черек: тамыразыкта мамык кебек ак катлам барлыкка килә, тукымасы сулылана.

Соры черек: йомшак, соры-яшел төстәге «йонлы» таплар күренә.

Фомоз: кара таплар барлыкка килеп, кишернең эче череп җимерелә.

Юеш бактериаль черек: тамыразык ямьсез ис килеп, лайлалы массага әйләнә.

Ризоктониоз: тире астында кургаш төсендәге таплар һәм кара нокталар барлыкка килә.

Авыруларны кисәтү һәм көрәш чаралары:

Бакчада үскән чакта ук авыру үсемлекләрне күрсәгез, аларны шунда ук төптән алып ташлагыз.

Үсеш чорында биофунгицидлар кулланыгыз, әгәр зарарлану көчле булса — бакырлы препаратлар белән эшкәртегез.

Саклыкка куяр алдыннан «Фитоспорин-М,Ж» препараты белән дезинфекцияләү файдалы (1 литр суга 100 мл препарат кушып, 100 кг кишергә 1 литр эремә исәбеннән). Эшкәрткәннән соң кишерне һичшиксез яхшылап киптерегез.

Химик препаратлар кулланганда, инструкцияне игътибар белән укыгыз һәм куркынычсызлык кагыйдәләрен үтәгез.

Рәүзәнә Хәмәтнурова, «Россельхозцентр» үзәгенең Балтач районара бүлеге баш агрономы.