Радий Хәбиров дәүләт бүләкләре тапшырды

29 июньдә узган атналык оператив киңәшмәдә Башкортстан Башлыгы Радий Хәбиров III Бөтенрусия балалар фольклориадасында катнашучы төбәкнең иҗат коллективлары җитәкчеләренә республика дәүләт бүләкләре тапшырды. Исегезгә төшерәбез, узган атнада Уфада узган чара бөтен илдән 1000нән артык катнашучыны җыйды.

- Бөтенрусия балалар фольклориадасы искиткеч матур үтте. Безгә иң талантлы көмешчеләр килде, без алардан гаять зур энергия алдык, - диде Радий Хәбиров. - Русия Президенты Администрациясе җитәкчесе урынбасары Магомедсалам Магомедов катнашты, ул чараны бик югары бәяләде. Фестиваль кешеләрнең туган тарихына һәм мәдәниятенә тартылуларын күрсәтте. Башкортстан Башлыгының Рәхмәт хатларына Әдигәм Искужин исемендәге үрнәк курайчылар ансамбле җитәкчесе Васил Баймурзин, Уфа районының Шамонино авылындагы «Дарман» үрнәк халык бию ансамбле җитәкчесе Роберт Хәмидуллин һәм Бакалы районыннан «Уралым» халык бию ансамбле җитәкчесе Рөстәм Ханнанов лаек булды.

Чыганак: glavarb.ru