Башкортстанда бер ир бергә яшәгән хатынның мәетен өч атнага якын базда саклаган

Тикшерү версиясе буенча, 10нчы августта Бәләбәйдәге шәхси йортта ир 40 яшьлек хатын белән бергә спиртлы эчемлекләр эчкәннәр. Ары таба, гадәттәгечә, алар арасында конфликт килеп чыга, аның барышында ул хатын-кызны буып үтерә.

Җинаять эзләрен яшерү максатыннан, гаепләнүче өч атна диярлек үлгән хатынның гәүдәсен базда саклаган, шуннан соң аны балта белән кисәкләргә чапкалап, машинасында урманда алып барып, күмеп куя.

Тикшерү комитеты тикшерүчеләре Эчке эшләр министрлыгы оперативниклары белән берлектә Хатын-кызның хәбәрсез югалуы турындагы хәбәрне тикшерү барышында шикләнелүченең катнашы ачыкланган.

Гаепләнүче җинаять кылуда гаебен таныган. Җинаять эшен тикшерү кысаларында тикшерү гамәлләре комплексы үткәрелгән, шул исәптән вакыйга урыннарын карау һәм күрсәтмәләрне урында тикшерү, берничә суд экспертизасы билгеләнгән.