Белем, дуслык һәм яңа ачышлар дөньясы!

Балалар иҗаты үзәгендә табигать фәннәре юнәлешендәге ишегалды лагеренең сәламәтлек, белем һәм маҗаралар белән тулы бер кызыклы чираттагы сменасы тәмамланды. Бу яллар – гади генә вакыт үткәрү түгел, ә балаларның яңа күнекмәләр үзләштерү, фәнни белемнәрен тирәнәйтү һәм иң мөһиме – дуслык җепләрен ныгыту өчен менә дигән мөмкинлек булды.

Һәр көн яңача, кызыклы һәм  үзенчәлекле иде. Осталык дәресләре – монда балалар галимнәр роленә кереп, табигатьнең серләрен ача алдылар. Квестлар – әйләнә-тирә дөньяны өйрәнергә, табышмаклар чишәргә, табигать һәм фән белән бәйле катлаулы, әмма бик мавыктыргыч биремнәрне үтәргә мөмкинлек бирде. Бу эшләрне башкарганда, балалар бер-берсенә ярдәм итеп, бергәләшеп фикер йөрттеләр, команда булып эшләү күнекмәләрен үстерделәр.

Спорт чаралары – монда да күптөрлелек идее. Футбол, волейбол, эстафеталар – бу ярышлар балаларның физик активлыгын арттыруга гына түгел, ә команда рухын, дуслыкны ныгытуга да зур өлеш кертте. Алар бер-берсен яклап, бергә җиңү өчен “көрәштеләр”, бу исә аларны тагын да ныграк берләштерде.

Ә танып белү буенча интеллектуаль уеннар – бу балаларның зиһенен, логик фикерләү сәләтен үстерү өчен менә дигән чара булды. Ярышлар, викториналар, башваткычлар – болар барысы да уку процессын кызыклы, мавыктыргыч һәм онытылмаслык итте. Балалар, хәтта иң катлаулы сорауларга да, үзләренең яңа алган белемнәрен кулланып, шатланышып җаваплар таптылар.

Бу сменада катнашучылар берничә юнәлештә үсеш алды. Беренчедән, алар әйләнә-тирә дөньяны, табигатьне тирәнтенрәк өйрәнделәр, фәнни күзаллауларын киңәйттеләр. Икенчедән, иҗади биремнәрдә үзләренең сәләтләрен ача алдылар, яңаны уйлап чыгарырга, иҗат итәргә өйрәнделәр. Өченчедән, бу смена – яңа дуслар табу өчен дә менә дигән урын булды. Бергәләп үткәрелгән маҗаралар, ярдәмләшеп чишелгән катлаулы биремнәр – болар барысы да дуслыкны ныгытты, бер-берсенә карата хөрмәт хисе уятты.

Мондый файдалы һәм иҗади сменалар – ул безнең балаларның алдагы тормышына, һичшиксез, зур йогынты ясый. Аларның сәламәтлеге, уйлау сәләте, иҗади потенциалы үсеше өчен зур мөмкинлекләр бирә.

Бу сменада катнашкан һәр балага уңышлы уку елы, яңа казанышлар һәм якты тәэссоратлар телибез. Һәр көнегез шатлыклы ачышлар, көтелмәгән хәлләр һәм әлбәттә, күңелле мизгелләр белән тулы булып, киләчәктә дә яңадан күрешергә язсын.

Айгөл ӘХМӘТГАЛИЕВА,

өстәмә белем бирү педагогы.