Бәхетле булуның 13 кагыйдәсе

* Актив булыгыз һәм һәрвакыт ни дә булса эшләгез.
Күбрәк аралашыгыз. Башка кешеләр дә бәхет чыганагы була ала. Ә бәхетле кешеләр башкаларга караганда күпкә аралашучанрак.

* Эшләрегезне мөһим һәм мөһим булмаганнарга аерыгыз. Һәм күбрәк мөһим, мәгънәле эшләргә өстенлек бирегез. Бәхетле кеше үзенә ошаган, аңа шатлык китерә торган эшләргә өстенлек бирә.

* Таркау булмагыз. Планнарыгыз һәм максатларыгыз булсын.

* Хафаланмагыз һәм юкка борчылмагыз. Борчылуларның 90 проценты үз-үзен акламый һәм юкка булып чыга.

*. Артык өметләнүдән туктагыз. Тикшеренүләр күрсәткәнчә, бәхетле кешеләрнең өмет-теләкләре ул кадәр зур булмый. Алар үзләренең нәрсәгә ирешә алуларын, үз мөмкинлекләрен яхшы белә.

* Бүгенге көн белән яшәгез.

* Рухи һәм тән сәламәтлегегезне кайгыртыгыз.

* Үзегездә юмор хисе һәм башкаларга карата дусларча мөнәсәбәт тәрбияләгез. Бәхетле кешеләр күбрәк һәм ешрак елмая.

* Үзегез булып калыгыз. Ирекле, ихлас булыгыз.

* Якын кешеләрегез белән мөнәсәбәтләр турында күбрәк уйлагыз.

* Кире хис-тойгыларга бирелмәгез.

* Һәрнәрсәдән яхшылык эзләгез.

* Бәхетнең кадерен белегез!

Шушы гади генә кагыйдәләрне үтәгез һәм бәхетле булыгыз!

ВТ