Көчле магнит давыллары көтелә

Март дәвамында Башкортстан халкы көчле геомагнит давыллары йогынтысында булачак. Фәннәр Академиясенең  Кояш астрономиясе лабораториясе белгечләре кисәтүенчә, Җирдә 7сеннән көчле геомагнит штормы башланачак, ул ай ахырына кадәр дәвам итә. Магнит давылының иң көчле мәле март уртасына һәм ахырына туры киләчәк, якынча 15еннән 17сенә һәм 28еннән 31енә туры киләчәк.

Кояшта көчле кабынулар һәм плазма чыгарулар көтелә. Мондый активлык элемтә һәм энергия челтәрләре эшчәнлегендә чагылыш табачак, шулай ук кешеләрнең сәламәтлегенә йогынты ясаячак. Мондый көннәрдә баш авырту, кан басымы сикерү, хәлсезлек ихтималы зур. Беренче чиратта өлкән яшьтәгеләр һәм хроник авырулары булган кешеләр кыенлык кичерер.