Социаль өлкәне үстерү мөһим

"Юлламада социаль өлкәне үстерүгә зур игътибар бирелүе мөһим. Барыннан да элек, бу сәламәтлек саклау, күпме медицина учреждениеләре төзелүе, тагын нинди перспективалар ачылуы турында әйтелде. Мәгариф, мәктәпләрне ремонтлау, укытучыларга ярдәм итү турында да күп әйтелде, бу бигрәк тә кадрлар белән шактый кыен булган авыл җирлекләрендә кирәк. Безне мәдәнияткә бюджет артуы сөендерми кала алмый — киләсе елда ул 20 процентка арта. Бу безнең партия мәнфәгатьләрен дә чагылдыра, чөнки мәдәниятне үстерү аның программасының өстенлекле юнәлешләреннән берсе булып тора, — дип билгеләп үтте Владимир Нагорный. - Әлбәттә, Юлламада зур урын махсус хәрбия операциядә катнашучыларга ярдәм итүгә бирелде. Алар һәм аларның гаилә әгъзалары өчен каралган социаль ярдәм чаралары саны буенча, ә бу чаралар кырыкка якын, безнең республика - лидер төбәкләрнең берсе. Без, һичшиксез, бу тенденцияне хуплыйбыз, һәм фракция әгъзалары Дәүләт җыелышы-Корылтай аша уза торган чаралар өчен тавыш бирә».

Юлламада республика җитәкчесе Башкортстанның социаль-икътисади үсеш тенденцияләрен билгеләде, авыл хуҗалыгы, төзелеш секторындагы агымдагы вәзгыять турында сөйләде, 2025 елга планнар һәм 2030 елга кадәрге чорга гомумдәүләт проектлары кысаларында республика алдына куелган бурычлар турында сөйләде.

Фото: "Башинформ"