-18 °С
Болытлы
Барлык яңалыклар
Новости
13 декабрь 2024, 14:38
Балтачлылар - Бөтендөнья башкортлары Корылтаеның VI съездында
Бүген Уфаның “Торатау” конгресс-холлында Бөтендөнья башкортлары Корылтаеның VI съезды үтә.
Балтачлылар - Бөтендөнья башкортлары Корылтаеның VI съездында
Бүген Уфаның “Торатау” конгресс-холлында Башкортстан Башлыгы Радий Хәбиров һәм Милләтләр эшләре буенча федераль агентлык (ФАДН) җитәкчесе Игорь Баринов Бөтендөнья башкортлары Корылтаеның VI съездында катнаштылар.
Эш башланыр алдыннан Радий Хәбиров һәм Игорь Баринов Чиләбе рәссамы Михаил Воронов-Кушаковскийның 1814нче елда Русия гаскәрләре Парижны алуга 210 ел тулуга багышланган һәм башкорт сугышчыларының 1812нче елгы Ватан сугышында һәм 1813-1814не еллардагы чит ил походларында катнашуына багышланган күргәзмәсе белән таныштылар.
Съезд барышында делегатлар берләшмәнең соңгы биш елдагы эшенә йомгак ясады, шулай ук якын киләчәккә актуаль бурычлар турында фикер алыштылар.
- Без Корылтайга бик катлаулы, асылда, тарих өчен борылыш чорында җыелдык. Ватаныбыз өчен, һәрберебез өчен авыр сынаулар чоры. Элекке еллардан аермалы буларак, безнең мохиттә кайвакыт таркаулык, үзара дәгъвалар, башкорт милләтен үстерүнең төп бурычларын аңламау чагыла иде, бу Корылтай безнең берләшү вакытында уза. Без нәрсә эшләргә кирәклеген беләбез. Корылтай бүген - ныклы, ышанычлы һәм көчле, милләтне туплаучы, - дип билгеләде республика Башлыгы.
Балтач районныннан чираттагы съездда район Хакимияте башлыгы Илгиз Субушев, Балтач районы башкортлары Корылтае башкарма комитеты рәисе Гөлфия Шәисламова һәм биредәге Корылтай әгъзасы Гөлназ Галләмова катнаша.
-Дөньяның төрле почмакларыннан җыелган башкортлар Уфаның “Торатау” Конгресс-холлында VI Бөтендөнья башкортлары корылтаенда эш башлады. Әлеге милли форум башкорт халкын берләштерү, аның этномәдәни үсешен тәэмин итү, милли үзенчәлеген саклау максатыннан оештырыла. Бүген Башкортстан Башлыгы Радий Хәбиров та биредәге чарада катнаша. Ул үз чыгышында республикада милләтара мөнәсәбәтләр үсеше турында сөйләде һәм төбәкнең социаль сәясәте өстенлекләрен билгеләде. Радий Фәрит улы билгеләвенчә, төбәктә милли хореография үсешенә актив ярдәм ителә. Шул уңайдан милли бию көнен атаклы хореограф Фәйзи Гаскәровның туган көнендә – 21нче октябрьдә булдырырга кирәк дип хәбәр итте, - ди Гөлфия Шәисламова.
Читайте нас:
Редакцияне сайлау
© 2025 Сайт газеты «Балтач таннары» . Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом «Республика Башкортостан».
Новости Балтачевского района
Балтач районы яңалыклары
Балтас районы яңылыҡтары
Новости Балтачевского района Республики Башкортостан
Башкортстан Республикасы Балтач районы яңалыклары
Новости Республики Башкортостан
Башҡортостан Республикаһы яңылыҡтары
Башкортстан Республикасы яңалыклары
Балтач районын увер
Телефон
(34753)20112
Электрон почта
Адресы
РБ. Балтачевский район. с.Старобалтачево. ул. Комсомольская 2.
Реклама хезмәте
(34753)21571
Редакция
(34753)21154
Хезмәттәшлек
(34753)21877
Кадрлар бүлеге
(34753)21571