Альцгеймер авыруын нинди юл белән ачыкларга була?

Кэйо университеты һәм Сайсэкай медицина үзәге галимнәре (икесе дә Япониядә) җаваплары буенча Альцгеймер авыруы барлыкка килү куркынычын бәяләргә мөмкин булган өч сорау формалаштырган. Тикшеренү нәтиҗәләре Alzheimer ' s Research & Therapy (ART) журналында басылган. Тикшерүчеләр әйтүенчә, когнитив төшенкелекнең башлангычын өч сорауга җавапларны анализлаганда ачыкларга мөмкин: кеше борчылу кичерәме, аңа берәр нәрсә шатлык китерәме һәм соңгы өч айда аның игътибарын нинди яңалыклар җәлеп иткән. Метод когнитив тайпылышларның төрле стадияләре булган 108 пациентта һәм 47 сәламәт иреклеләрдә сыналган. Сорауларга җавап алганнан соң, катнашучыларга нәтиҗәләрне раслау өчен баш миен сканерлаганнар. Беренче сорауга кире җавап, Ни өчен кешене берни дә сөендермәвен тәфсилләп аңлатырга тырышу, һәм күптән түгел булган яңалыкларга кызыксыну булмау — башлангыч этапларда Альйцгеймер авыруы үсеше билгеләре булып чыккан. Шулай ук авыру турында күптәнге яңалыкларны искә алу сигнал бирә. Өстәмә рәвештә галимнәр катнашучыларның аралашу манераларына игътибар иткәннәр. Экспериментаторлардан ярдәм эзләү һәм ышанычсызлыкны белдерү шулай ук когнитив проблемалар белән корреляцияләгән. Белгечләр сүзләренчә, “өч сорау методы” беренчел диагностика өчен нәтиҗәле инструмент булырга мөмкин, ул дәвалау башланыр өчен уңайлы вакытны соңга калдырмаска мөмкинлек бирә.

Газета.Ру