Балаларга сосиска ашатмагыз!

Сосискалар беренче карашка зарарсыз булып күренергә мөмкин, әмма аларны бөтен гаилә өчен тиз генә капкалап алу сыйфатындагы ризык итеп сайларга кирәкми, ди табиб-терапевт һәм медицина фәннәре кандидаты Ирина Баранова. Бу хакта ул үзенең Telegram-каналында язган.

Табиб сүзләренчә, иртәнге аш өчен бу популяр ризыкта консервантлар, тәм көчәйткечләр, стабилизаторлар һәм нитритлар бар, алар саклану вакытын арттыра һәм сосискаларның тышкы кыяфәтен яхшырта. Шуңа карамастан, эшкәртү процессында аларда канцерогеннар барлыкка килә, аларны даими куллану эчәклек һәм ашказаны яман шешенә китерергә мөмкин, дип кисәтә табиб. Ул беркайчан да үзенә һәм балаларына сосиска сатып алмаячагын әйткән.

"Бу ризык яман шеш китереп чыгара. Күпсанлы тикшеренүләр аның сәламәтлек өчен иң җитди проблемалар белән бәйләнешен күптән раслады инде", - дип ассызыклаган Баранова.