Чит кешенең милкен урлаган...

Башкортстан Республикасының Балтач районара суды элек хөкем ителмәгән, РФ ҖК 158 маддәсенең 2 нче өлешендәге «б» пунктында каралган җинаять кылуда гаепләнүчегә карата җинаять эшен карады. Ул чит кешенең милкен яшерен урлау, бинага законсыз үтеп керүгә кагыла.  Җинаять эше түбәндәге шартларда кылына. Шулай итеп, Р. мунча ишегалдында электр ярдәмендә эшли торган циркульле пычкы барлыгын белеп, шул бинага законсыз рәвештә үтеп керергә һәм аны шәхси ихтыяҗлары өчен яшерен рәвештә урларга карар кыла. Бер көнне Р. чит кешенең милкен яшерен урлауга юнәлтелгән җинаятьчел ниятен тормышка ашыру нияте белән, мунча янына килә, анда аның җинаятьчел гамәлләрен беркем дә күзәтмәвенә ышангач, ирекле керү юлы белән, мунча алды бинасына законсыз үтеп керә, аннан яшерен рәвештә, табыш алу ниятеннән, 2700 сумлык Rebir маркалы циркульле электр пычкысын урлый. Шуннан соң Р., Х. ныкы булган, урланган мөлкәт белән җинаять урыныннан кача, Х.ның мөлкәте белән үз теләге буенча эш итә. Матди зыянның гомуми суммасы 2 700 сум. Р. суд тарафыннан РФ Җинаять кодексының 158 маддәсе 2 өлешенең «б» пунктында каралган җинаять кылуда гаепле дип табылды һәм аңа 250 (ике йөз илле) сәгать мәҗбүри эш рәвешендә җәза билгеләнде.

Хөкем карары законлы көченә керде.

Балтач районара судының матбугат хезмәте мәгълүматларына нигезләнеп Аида Хәйртдинова әзерләде