Изге эшләр дәвамлы булсын

Көнтүгеш авыл биләмәсенә караган Тозлыбин авылы зиратында яңа капка урнаштырылды. Аны алтын куллы һәм бар эшкә дә булдыклы Эдик Тадиев эшләгән. Ә урнаштыру эшендә барлык авыл халкы катнашкан.

Кече Ватанга ярдәм итү буенча “Атайсал” проекты идеясен Башкортстан Башлыгы Радий Хәбиров 2019нчы елның ноябрендә туган төбәгендә – Ишембай районының Сәйрән авылына эш сәфәре вакытында тәкъдим иткән иде.

Ә старт алды биредәге проект 2021 елның 1нче мартында. Шул дәвердән башлап “Атайсал” проекты зур популярлык казанды һәм халыкара дәрәҗәгә чыкты. Туган яклары, авыллары тормышына битараф булмаган кешеләр проект кысаларында үзләренең кече Ватаны үсешенә 1,3 миллиард сумга якын акча керткән. Анда барлыгы 5,5 мең кеше катнашкан, 27 меңләп проект гамәлгә ашырылган.

Радий Фәрит улы Хәбиров:

—Һәр кешенең ул дөньяга килгән, беренче адымнарын ясаган, тормышта иң мөһим сүзләрне әйткән, йөрәгенә аеруча кадерле урыннары бар. Бу – кече Ватаныбыз. Һәм аның белән бәйле җылы хисләр безнең белән мәңгегә кала, җанны җылыта, дөрес юлга әйди.Йөрәгегезгә якын туган авылыгыз, шәһәрегез үсешенә шәхси өлеш кертү – зур шатлык,—дип ассызыклады ул “Атайсал” проектын эшләтеп җибәрү уңаеннан үткәрелгән киңәшмәдә.

Мондый изге проект кысаларында Балтач районында да башкарылган эшләр бихисап.

Быел Көнтүгеш авыл биләмәсенә караган Тозлыбин авылы зиратында яңа капка урнаштырылды. Аны алтын куллы һәм бар эшкә дә булдыклы Эдик Тадиев эшләгән. Ә урнаштыру эшендә барлык авыл халкы катнашкан.

—Зират – изге урын, ул безнең мәңгелек йортыбыз. Биредә һәркайсыбызның туганнары, якыннары җирләнгән. Бакыйлыкка күчкәннәрнең соңгы урыны бит инде ул. Аны карап, чистартып, тәртиптә тоту – һәрберебезнең изге бурычы,—дип билгели Эдик Галимянович.

Һәр авылның иминлеген һәм бердәм халкы булуын зиратына карап чамалап була. Әгәр дә зират төзек, каралган һәм чиста икән, димәк, бу авыл иманлы. Биредәге халык бердәм, тату, кече ватанының үткәненә, бүгенгесенә һәм киләчәгенә битараф түгел.

—Бу изге эш өчен авыл халкына, аеруча, Эдик Тадиевка зур рәхмәтемне әйтәсем килә. Мондый кешеләр булганда авыл яшәячәк. Әлеге эш “Атайсал” проекты кысаларында башкарылды. Ә ул—Кече Ватаныбызга ярдәм күрсәтү мөмкинлеге. Күрүебезчә, төбәк Башлыгы Радий Хәбиров башлангычы белән гамәлдә булган мөһим проект безнең авыл биләмәсендә дә үсештә. Монда тырыш, киң күңелле, һәрчак бер-берсенә һәм кече ватанына ярдәм күрсәтергә әзер халык яши,—дип ассызыклап үтте Көнтүгеш авыл биләмәсе башлыгы Ольга Гайнетдинова.

Автор:

Читайте нас

Редакцияне сайлау