“Рәхмәт”кә рәхмәтлебез

Балтачлы Фәндәлисә Закирова “Рәхмәт-2024” акциясендә термопот откан.

Башкортстанда 6, 7 һәм 8 сентябрьдә “Рәхмәт” акциясе үтте. Биредә җиңүчеләрне очраклы саннар генераторы – рандомайзер программасы ярдәмендә билгеләделәр.

Өч көн дәвам иткән акция җиңүчеләре исемлегенә керү бәхете балтачлыларга да эләкте. Шуларның берсе – Иске Балтачтан Фәндәлисә Закирова. Ул термопот отты.

-Сайлауларның беренче көнендә үк иртә белән сайлауга бардык һәм анда безгә “Рәхмәт-2024” акциясе кысаларында призлар уйнатуда катнашу өчен QR-билетлар бирделәр. Өйгә кайткач, балалар белән тиешле сайтта теркәдек. Хәзер инде ул эшне дә өйрәнеп алдык. Үткән елда да әлеге акциядә катнашкан идек. Билетны теркәгәч, таныш булмаган номердан шалтырату булды. Соңгы вакытларда бит инде мошенниклар күбәйде. Шуңа күрә алмадым. Берничә тапкыр шалтыраткач алдым. Сез бүләк оттыгыз, дигән хәбәргә бар гаилә белән куандык. “Рәхмәт”кә рәхмәтлебез, - ди Фәндәлисә Закирова.

Термопотны бүләк отучының туганы Уфадан барып алган.

-Сайлауларда катнашу һәрберебезнең гражданлык бурычы. Бер сайлауда да үз тавышыбызны бирми калганыбыз юк. Илебез Президентын сайлаганда да, республика Башлыгы өчен тавыш бирергә дә үзебезнең сайлау участогына тәүгеләрдән булып бардык, - ди бүләк отучы Фәндәлисә Индус кызы.

Автор:Фиргат Набиуллин

Читайте нас

Редакцияне сайлау