Кавышулар, аерылышулар саннар теле белән

Кавышулар  булмас иде аерылышулар булмаса дип җырласалар да, гаилә таркалуы күңелле һәм кирәкле эш түгел инде. Бигрәк тә ир белән хатын аерылышканда балаларга авыр.

Быел 3 ай эчендә Балтач районында  23 гаилә таркалган. ЗАГС хезмәткәрләре әйтүенчә, апрель ае башлану белән аерылышырга теләк белдереп 5  кеше килгән.

Узган елда 11 гаилә таркалган булган.

  Яшьләр гаилә корырга ашыгып бармыйлар. Өч ай эчендә нибары  10 пар мөнәсәбәтләрен рәсмиләштергән булган. Узган елда 8 пар законлы никахка кергән булган.