Әнисе 14 яшьлек кызын берничә көн өенә кертмәгән

Дүртөйле шәһәрендә 14 яшьлек кызга өйгә кайтыр өчен полиция чакыртырга туры килгән. Аны берничә көн дәвамында әнисе фатирга кертмәгән. Бу хакта “КП-Уфа" хәбәр итә.

Мәктәп укучысы полициягә 25 март иртәсендә шалтыраткан. Ул берничә көн дәвамында фатирга керә алмавы турында сөйләгән. Сәбәбе – әнисе яңа “шешәдәше” белән мәҗлес оештырган. Вакыйга урынына ике полиция хезмәткәре һәм опека хезмәте белгечләре килә. Алар барысы да фатирга керә алалар, анда алар караватта яткан сигезенче сыйныф укучысының әнисен һәм аның янында алкоголь эчеп утырган бер ир-атны күрәләр.

Хезмәткәрләр ирдән нәрсә булганын сорый башлыйлар, ул аларга һәм кызга кычкыра башлый, үзен агрессив тота. Уянган хатын бу ир-атның аның ире дә, баласының атасы да түгеллеген билгеләгән. Хезмәткәрләр ирне фатирдан чыгып китәргә сорыйлар. Иргә бу ошамый - полиция хезмәткәрләренең берсенә һөҗүм итәргә тырыша.  Ахырда аны полиция бүлегенә озаталар.

14 яшьлек кызның 33 яшьлек әнисенә карата ата-ана бурычларын үтәмәгән өчен административ протокол төзелгән. Мәктәп укучысын аның белән калдырмаганнар, хәзер ул приютта.