Балтач халкын дифтерия белән столбняктан сакланырга чакыралар

Дифтериягә һәм столбнякка каршы 10 ел саен үзеңне иммунизацияләргә һәм сакланырга кирәк!

Бер вакцинада барысы да бик уңайлы!

Столбняк һәм дифтерия бик куркыныч инфекцияләр булып санала. Ел саен 12 яшькә кадәрге балаларның 10 проценты дифтериядән үлә. Столбнякның статистикасы тагын да куркынычрак – хәтта үсеш алган илләрдә дә 50 процент тирәсе. Бу авыруларны кузгатучы бактерияләр агулар бүлеп чыгаралар, алар эчке органнарга зур зыян китерергә мөмкин. Вакыйгаларның мондый үсешен булдырмау өчен вирус белән көрәшүнең иң нәтиҗәле ысулы дип саналган вакцина булдырылган.

Хәзер дифтерия һәм столбняк инфекцияләре сирәк очрый, шуңа күрә күпләр аларны ваемсыз кабул итә һәм прививкадан баш тарта. Әмма мондый хәл бик куркыныч.

Дифтерия һәм столбнякның авыр формаларын кисәтү өчен, өлкәннәр соңгы инъекциядән соң һәр 10 ел саен прививка ясатырга тиеш.

Вакцинаның үзендә, алар аерым организмга зыян китерә алмасалар да, дифтерия яки столбняк таякчасы юк. Алар җитештергән токсин моны эшли ала. Нәкъ менә ул, зарарсыз рәвештә, прививка составына кертелгән. Токсин организмга үтеп кергәч, ул аны чит предмет итеп кабул итә антитәнчекләрне таный һәм җитештерә, шуның аркасында тотрыклы иммунитет барлыкка килә. Соңрак, әгәр дә мондый микроорганизмнар организмга керсә, инфекцияләр бөтенләй күренмәскә яки бик җиңел формада узарга мөмкин.

Каршы күрсәтмәләр булып санала:

нерв системасы белән бәйле авырулар

авырулар кискенләшкән чор

12 атнадан да кимрәк вакытлы йөклелек

аллергия реакцияләренең кискенләшүе

диатез яки экзема.

Прививканы Балтач үзәк район хастаханәсе поликлиникасында да, фельдшер-акушерлык пунктларында да ясатырга мөмкин.

Процедура 2нче каттагы поликлиникада башкарыла.

Вакцинациягә Дәүләт хезмәтләре порталы аша язылырга мөмкин, алдан язылу буенча, участок табибы - терапевты вакцинациягә рөхсәт бирә.

Алсу Фәрхетдинова, Балтач үзәк район хастаханәсенең табиб-эпидемиологы