Авдеевка тулысынча алынган

Россия Кораллы Көчләре ДНРда Авдеевканы тулысынча үз контроленә алды, дип хәбәр иткән Оборона министрлыгы.

"Бүген Кремльдә Россия Федерациясе оборона министры армия генералы С.К. Шойгу Россия Федерациясе Кораллы көчләренең Югары баш командующиена Донецк Халык Республикасының генерал-полковник Андрей Мордвичев җитәкчелегендәге "Үзәк" гаскәрләре төркеменең Украина Кораллы көчләренең көчле оборона узелы булган Авдеевка шәһәрен тулысынча үз контроленә алуы турында хәбәр итте", — диелә басмада.

Хәзер Россия сугышчылары шәһәрне ВСУдан, аерым алганда, коксохимик комбинатта урнашкан подразделениеләрдән тулысынча чистарталар. Россия Кораллы Көчләре 31,75 квадрат километр мәйданлы территорияне азат итә алды. Бер тәүлек эчендә дошман торак пункт өчен барган сугышларда 1,5 меңнән артык хәрби югалта.

“Россия гаскәрләренең өзлексез ут тәэсире астында Украина сугышчыларының аерым формированиеләре генә Авдеевкадан ашыгыч рәвештә чыгып китә ала, шул ук вакытта алар коралларын һәм хәрби техникасын ташлап китәләр”, - дип төгәлләгәннәр ведомствода.

Шәһәрне азат итү Донецктан фронт сызыгын читкә күчерергә мөмкинлек бирә, ДНР башкаласын Украина армиясе һөҗүмнәреннән нык саклый, дип ассызыклаганнар министрлыкта. Моннан тыш, гаскәрләрнең үзәк төркемнәре Донецк Халык Республикасын азат итү максатыннан һөҗүм итүне дәвам итә.

РИА Новости