Ничек симермәскә?

Арабыздагы кайсыбер кешеләр көч-хәл белән тырышып, ябыга. Ләкин бик аз гына вакыт узуга аларның гәүдә авырлыгы тагын да ныграк артып китә...

   Табиблар моны болай аңлата: “әгәр аз кыймылдау һәм күп ашау кебек симерүгә китерүче гадәтләрегезне ташламыйсыз икән, югалткан килолар бик тиз әйләнеп кайтачак”.

   Ышанычлы нәтиҗәләргә ирешү өчен “аз һәм гади ризыклар ашарга, шул ук вакытта физик яктан активрак булырга кирәк. Шул ук вакытта “ябыгам” дип бөтенләй ач торган яки кефир гына чөмергәннәрне дә уңыш читләп үтәчәк.