Өч кешенең догасы кабул булыр, ди...

Нинди кешеләр турында сүз бара?

Өч кешенең — ата-анасының баласына кылган догасы;
мосафирлар теләге;
рәнҗетелгән кешеләр догасы һичшиксез кабул ителер.

Әйтик, сине хаксызга рәнҗеттеләр. Чыгып киттең дә паркта эскәмиядә елап утырасың. Андый вакытта күңел ачыла. Ләгънәт укыганчы:
"Йа Раббым, мине бу авырлыклардан коткар, бәрәкәт, сәгадәт насыйп ит", - дип теләргә кирәк.
Пәйгамбәребез бер хәдисендә: "Рәнҗетелгән кешеләрнең догаларыннан куркыгыз, алар белән Аллаһы Тәгалә арасында пәрдә юк", - ди. Рәнҗетелгән (мәзлүм) кеше дип бу дөньяда ниндидер ягы белән кыерсытылган кешегә әйтәләр: сукыр, чукрак, бөкре...
Аларның догалары кабул була. Аларны күргәч, Аллаһ Раббыбыздан:
"Йа Раббым, бу кешегә үзеңнең рәхмәтеңне бир", - дип сорарга кирәк. Аларны ялгыш кына да рәнҗетергә ярамый. Ул кеше авызы белән түгел, күңеле белән дога кылса да кабул булырга мөмкин.
Бохари һәм Мөслим риваятьләре.
Хәдис