Сак булыгыз: 31 декабрьдә россиялеләргә магнит давыллары тәэсир итәчәк

Яңа елга кадәр Җирнең магнит кырында тыныч хәл көтелә, аның тирбәлеше 2 баллга кадәр түбән булачак. Ә менә 31 декабрьдән яңа магнит һөҗүме башланачак.

Россия Фәннәр Академиясенең космос тикшеренүләре институтының Кояш рентген астрономиясе лабораториясе 28 һәм 30 декабрьдә җиңел магнит давылын фаразлый. Елның соңгы көнендә давылның интенсивлыгы бераз артачак. Астрономнар әйтүенчә, Яңа елдан соң Җирнең магнитосферасында бернинди дә зур чуалышлар көтелми.

Кыш башында россиялеләр көчле магнит давыллары белән очрашты. Аеруча көчле дулкын 1 декабрьдә теркәлде, ул вакытта давыл 7 баллга җиткән һәм 2023 елда дүртенче урында булган.

Магнит давылы Кояш җиленең Җирнең магнит кыры белән үзара тәэсир итешеше нәтиҗәсендә барлыкка килә. Магнит давыллары вакытында кояш кисәкчәләре һәм кояшның магнит кыры җир атмосферасының югары катламнары белән тәэсир итешеп, планетаның магнит сферасында чуалышлар китереп чыгара. Бу җирнең магнит кырындагы үзгәрешләргә, төньяк нурларының барлыкка килүенә һәм башка атмосфера күренешләренә китерергә мөмкин. Магнит давыллары электр системаларының эшенә, спутник элемтәсенә, шулай ук кешеләрнең, бигрәк тә метеобәйлеләрнең сәламәтлегенә йогынты ясый ала.

Шуңа күрә табиблар метеобәйле кешеләргә стресс ситуацияләреннән качарга, җитәрлек су эчәргә һәм сыйфатлы йокы тәэмин итәргә киңәш итә. Бу магнит давылларының сәламәтлеккә кире йогынтысын җиңәргә ярдәм итәчәк.

Сентябрьдә җир өстенә көчле магнит давылы бәреп керде, ул искиткеч төньяк балкышларын китереп чыгарды.