Якын көннәрдә Башкортстанда буран көтелә

Башкортстанда куркыныч һава торышы көтелә. Бу республика Гидрометеоүзәге синоптиклары фаразыннан килә.

Атна уртасында, 20 декабрьдә, төбәккә буран киләчәк. Көчле җил һәм мул явым-төшем юллардагы хәлне начарайтачак. Шулай ук синоптиклар электрүткәргечләрдә һәм агачларда җепшек кар, бозлавык, юлларда кар көртләре, кар өермәсе, бозлавык булачагын фаразлый. Һава температурасы +1 градуска кадәр күтәреләчәк.

Иртәгә, 20 декабрьдә, җил көньяк-көнбатыштан исәчәк, урыны белән көчле җил көтелә. Һава температурасы төнлә -5, -10°, көндез -4,+1°, ди метеорологлар.

Пәнҗешәмбе, 21 декабрьдә, тагын да җылырак булачак, әмма һава торышы үзгәрмәячәк.

- Термометр баганасы төнлә 0, -5° кадәр төшәчәк, көндез -3,+2° күтәреләчәк, — диелә фаразда.