14 декабрь – Башкорт теле көне!

Башкортстан Башлыгы Р. Ф. Хәбировның указына ярашлы 2019 елның 14 декабре башкорт теле көне дип билгеләнгән.

Башкорт теле көнен 14 декабрьдә билгеләү очраклы түгел. Бу көндә күренекле башкорт шагыйре, мәгърифәтче Мифтахетдин Акмулла туган. Бу көн, 2015 елдан башлап, бөтендөнья башкортлары корылтае Башкарма комитеты ярдәмендә Башкортстан халыклары ассамблеясе һәм Башкортстан Республикасының Мәгариф һәм фән министрлыгы сайты башлангычы белән билгеләнә, рәсми рәвештә 2019 елдан үткәрелә. Үз туган телен, ата-аналарын, бабаларын, үткәннәрен өйрәнү цивилизацияле кеше өчен мәҗбүри. Беренчедән, бу кешенең рухи доньясын баета, икенчедән, туган телне өйрәнүне бермә-бер җиңеләйтә.

Бу көнне Башкортстанда һәм аннан читтә төрле чаралар: онлайн һәм оффлайн форматларда башкорт телен һәм башкорт халкының мәдәни кыйммәтләрен саклауга юнәлтелгән интернет-флешмоб, викториналар, лекцияләр, ачык дәреслекләр үткәрелә, елга йомгак ясала, алдан уздырылган конкурсларның җиңүчеләре бүләкләнә, киләсе елга грантлар игълан ителә. Чараларда республиканың барлык мәдәният һәм белем бирү учреждениеләре катнаша.

Туган телен һәр ана баласына өйрәтсен, ә бала аны зур бүләктәй кабул итеп, өйрәнсен. Туган теленә ихтирамлы кеше үз иленең, төбәгенең, гаиләсенең шәҗәрәсен, тарихын кадерли. Башкорт халкы үз телен саклап, үстереп, аның матурлыгын һәм сафлыгын югалтмый, кадерләп яшәсен.

Телебез безне берләштерсен!