Балтач районы Хакимияте башлыгының беренче урынбасары эшеннән китте

Балтач районы Хакимияте башлыгының беренче урынбасары — авыл хуҗалыгы бүлеге начальнигы, үзенең хезмәт урыныннан файдаланып, башка шәхси кызыксынудан чыгып, милектән тыш характердагы файда алырга омтыла, атап әйткәндә, үзен район һәм республика звеносы җитәкчелеге алдында уңышлы җитәкче буларак танытырга теләп, Хакимият башлыгының беренче урынбасары буларак эшчәнлегенә кире бәя бирүдән читләшергә теләп, алга таба хезмәт буенча уңайсыз нәтиҗәләрдән читләшергә теләп, район территориясендә авыл хуҗалыгын, кече һәм урта эшкуарлыкны үстерү өчен җаваплы кеше буларак, урындагы авыл хуҗалыгы предприятиеләре хисабына «Балтач» кафесында тантаналы чаралар оештыра.

Шулай, җитәкче МХО зонасына гуманитар ярдәм җыю сылтавы белән райондагы авыл хуҗалыгы предприятиеләре җитәкчеләреннән «Балтач» кафесына ашлык һәм ит  тапшыруларын сорый, әмма җыелган ашлык һәм ит район Хакимиятенең «Балтач» кафесы алдында барлыкка килгән бурычын түләүгә юнәлтелә.

Ачыкланган хокук бозулар буенча район Хакимияте башлыгы адресына представление кертелде. Шуннан соң җитәкче (Хакимият башлыгының беренче урынбасары) үз теләге белән эшеннән китте.

Булат Вәлиев, Балтач районы прокуроры