Декабрьдә һава торышы нинди булыр?

"Gismeteo" порталы мәгълүматлары буенча, декабрьнең беренче декадасында төбәктә бу ай өчен аномаль һава торышы көтелә. Көндез һава температурасы +1, -3 градус, төнге сәгатьләрдә -3тән -5 градуска кадәр тәшкил итәчәк.

Айның икенче декадасында Башкортстанда салкыннар көчәя. Көндез термометр баганасы -7, -8, төнлә -9,-10 градуска кадәр төшәчәк.

Өченче декада кабат уртача салкыннар белән билгеләнә. Һава температурасы көндез -8, -9 һәм төнлә -10, -12 градус булачак, дип фаразлана. Шул ук вакытта күп кар явуы көтелә.

Синоптиклар хәбәр иткәнчә, декабрьдә республика халкын болытлы һава торышы көтә. Кояшлы көннәр аз булачак.

Фото: "Башинформ" агентлыгы.