Алда “авыр көн”нәр...

Россиядә яшәүчеләрне алдагы берничә тәүлектә массакүләм инфарктлар, гипертоник кризислар һәм инсультлар кискен артуы турында кисәткәннәр.

Республика сәламәтлек саклау министрлыгы, шулай ук илебезнең экологик ведомстволары россиялеләрне көчле магнит давыллары сериясе башлануы турында кисәткән. Белгечләр сәламәтлеккә аерым игътибар бирергә һәм табиб билгеләгән даруларны кулда тотарга киңәш итәләр.

ИКИ һәм ИСЗФ Кояш астрономиясе лабораториясе хәбәр итүенчә, Җир магнитосферасының беренче көчле тирбәлешләре дүшәмбе, 2023 елның 20 ноябрендә теркәлгән. Икенчесе чәршәмбе көнне, 2023 елның 22 ноябрендә үк көтелә.экспертлар исәпләвенчә, ул G1 дәрәҗәсенә җитәчәк, бу россиялеләрнең баш авыртулары, хәлсезлек һәм йокымсырау рәвешендә сәламәтлегенә тәэсир итәчәк.

Медицина статистикасы буенча, мондый магнит күренешләре инфарктлар, инсультлар һәм гипертониянең кискенләшүенә китерә.

Россия астрономнары фәнни-тикшеренү институтыбелгечләре белдерүенчә, бу көннәрдә атмосфера басымының берьюлы 15 мм терегөмөш баганасына экстремаль төшүе күзәтеләчәк.

Магнит давылларын яшьләр җиңелрәк кичерә, өлкән яшьтәгеләргә һәм хроник йөрәк һәм кан тамырлары спектры авыруларыннан интегүчеләргә авырракка туры килә.

Җирнең магнитосферасы 2023 елның 26 ноябренә кадәр кузгатылган һәм тынычсыз булачак, ә декабрьдә Яңа ел алдыннан 30 һәм 31 нче көннәрендә кабат кискенләшәчәк.

Сак булыгыз!