Тучыбай авылы халкы матур тамаша карады

Тучыбай мәдәният йортында “Ихлас”  халык театры эшли. Артистлар авылның мәдәни тормышында актив катнашалар. Һәр спектакль яңа тормыш кебек. Рольне өйрәнү, аны тамашачыларга ошарлык итеп уйнау - бу бик зур эш. ”Ихлас” иҗатка һәм аралашуга омтылуны, ә иң мөһиме, театрга мәхәббәтне берләштерә.

Бу юлы коллектив Салават Абузаровның "Газаплы гомер" драмасы буенча спектакльне сәхнәләштереп күрсәтте.

Тамашачылар басып алкышладылар, ә бу артист халкы өчен үтә дә кыйммәт!

Эльмира Гафурова, мәдәни чараларны оештыручы