Ноябрьдә һава торышы нинди булачак?

Башкортстанда көзнең соңгы аенда һава торышы аномаль салкын булыр дип көтелә. Ноябрьдә һава температурасы -20 -22 градуска кадәр төшәчәк.

Агымдагы атнада республикада һава температурасы +16дан минуска кадәр кискен төшәчәк. Якшәмбе, 22 октябрьдә, көндез +2 градус, төнлә -2 градус булачак. Яңгыр һәм кар көтелә.

Ноябрь салкын булачак. 2023-24 елгы ягып җылыту чорына температура режимының ихтималлык фаразына ярашлы, ноябрьдә һава температурасы нормага якынча, яки түбәнрәк булачак (норма -4,4 градус тәшкил итә). Моны "Гисметео" фаразы да раслый.

Ноябрьнең икенче яртысы аеруча салкын булачак, дип белдерә синоптиклар.

Фото: i-gazeta.com

"Кызыл таң" сайтыннан алынды