Караиделдә керкә балыгы үстерәләр

Караидел. 13 октябрь - "Балтач таңнары". Караидел  районы эшмәкәрләре,  үзләренең буасында үстереп, ел саен ике тонна тере балык, ысланган, киптерелгән, туңдырылган продукция һәм тозланган уылдык сата.

Балык бизнесы фермерлары Илвер һәм Гөлнара Гиндуллиналар  бик чыгымлы, дип таный. Ләкин барысын да көйләсәң,  һәм балык үстерү технологиясен  җайласаң , уңышка ирешеп була. Гиндуллиннар хуҗалыгы 2016 елдан бирле  ике төрдәге керкә балыгы  үрчетү белән шөгыльләнә. Бүгенге көндә алар  республикада иң эре җитештерүчеләрнең берсе булып тора. КФХда дүрт буа. Ябык циклда оештырылган. Балык үрчетү һәм үстерү  өчен барлык кирәкле техника һәм корылмалар бар. Гөлнара сүзләренчә, балык бизнесындагы матди-техник база бик мөһим компонент булып тора, чөнки нәкъ менә аннан җитештерү күрсәткечләре бәйле.

- Бүгенге көндә безнең хуҗалыкта балык үрчетү һәм сату өчен барлык кирәкле база бар. Су чистарту  модуле, шоклы туңдыру шкафы, вакуумлы төрү аппараты. Әлбәттә, бизнес үсешенең башлангыч этабында барысын да сатып алу бик авыр, – дип уртаклашты ул. Шуңа күрә Гөлнара ире белән дәүләтнең финанс ярдәменә ия булдылар-гаилә фермаларына ярдәм итү буенча грант программасы, «Кече һәм урта эшкуарлык һәм шәхси эшкуарлык инициативасына ярдәм» милли проекты ярдәмендә кирәкле техника алдылар. Грант суммасы 1,4 миллион сумнан артык тәшкил итә,

Фермер кергән акчага балык үрчетү һәм сату процессын җайга сала, шулай ук өстәмә эш урыннары булдыра. Бүгенге көндә фермерның су хуҗалыгында 25 мең  керкә балыгы исәпләнә. Җитештерү күләмен арттыру өчен ел саен КФХ белгечләре сулыкка  маймычлар җибәрәләр.  Керкәне  ике килограммга, ә кайвакыт өч-дүрт  килограмм  авырлыкка җиткәч тоталар.агымдагы елда сулыкларга алты  мең карп һәм ике мең  табан балык маймычлары җибәрелгән.

Ел саен хуҗалык кибетләргә, шул исәптән сәүдә челтәрләренә  ике тоннага якын яңа, төтенле, киптерелгән, туңдырылган балык һәм  тозланган уылдык сата.

Хуҗалыкта балык үрчетү өчен барлык кирәкле шартлар тудырылган. Балык тоту һәм ашату өчен кәртәләнгән күперләр бар. Сулыкларга барлык кирәкле инженер-техник инфраструктура китерелгән. Су белән тәэмин итү скважинадан башкарыла.  Буа сулары  фильтрлар  ярдәмендә чистартыла, экскаватор  сулык төпләрен.   

Агротуризмны үстерү максатыннан хуҗалык территориясендә йорт,  тәвә кошлары  өчен вольер (монда шулай ук ике  баш тәвә кошы  яши), арендага бирү өчен мунча төзелгән, туристлар өчен экскурсияләр үткәрелә, ел әйләнәсенә балык тоту оештырыла. Алга таба Гыйндуллиннар     балыкчылык темасына  төрле мастер-класслар үткәрергә планлаштыралар.

Исегезгә төшерәбез, гаилә фермасын үстерүгә грант крестьян (фермер) хуҗалыкларына һәм шәхси эшмәкәрләргә – 30  миллион сумнан артмаган, әмма дәгъвачы проектының йомгаклау бәясенең 60 процентыннан артмаган күләмдә бирелә. 2023 елда «Гаилә фермасы» программасы буенча дәүләт ярдәменең гомуми суммасы 95,2 миллион сум тәшкил итте. Грантларга Башкортстанның 14 гаилә фермасы ия булды.