Россиядә автомашиналар кыйммәтләнә

Иске Балтач. 20 сентябрь - "Балтач таңнары". Балтачлылар, машиналаргызны яңартып калыгыз. Автосалоннар Россиядә автомашиналарга бәяләрнең 20 процентка кадәр  арту ихтималы турында кисәткән

«АвтоСпецЦентр» ГК генераль директоры Андрей Терлюкевич 2023 елның IV кварталында рәсми рәвештә  чит илдән кертелгән һәм үзебезнең илдә җитештерелгән  автомобильләргә бәяләр күтәрелү ихтималы турында белдергән. Бәяләр үсеше 10-20 процент тәшкил итәчәк. Бу хакта «Известия»   хәбәр итә

Терлюкевич билгеләп үткәнчә,  елның икенче яртысында автомобильләрнең бәясе арту турындагы фаразлар акланган.

Эксперт белдергәнчә, 2023 елда сату дәрәҗәсе күп кенә тышкы факторларга бәйле. Аның сүзләренчә Россиядә  һәм чит илдә җитештерелгән  автомобильләр 10-20 процентка  кыйммәтләнә. Базар үсешен   яңа тетрәнүләр  тоткарларга мөмкин, әмма ел ахырына кадәр планлаштырылган сату күләме бер  миллион  автомобиль тәшкил итә, бу 2022 елга караганда 25 процентка ка күбрәк.

«Автодом» ГК генераль директоры Андрей Ольховскиховский  автомашиналар күпләп сатылуын билгеләгән. Аның сүзләренчә, контроль фокусында торган кайбер автомобильләргә бәяләр үсеше 12-16 процент тәшкил иткән. Шул ук вакытта җитештерүчеләр дә, дилерлар да ташламалардан  баш тартмый.

Юховский белдергәнчә, юаньның яңа курсы буенча автомобильләр яки компонентлар импорты бәяләрнең  ныклап артуына китергән. Юань курсын  иминиятләштерүне   гамәлгә ашыручылар бәяләрне саклап кала алдылар һәм хәзер дә аларны тота алалар. Хәзерге вакытта бәя белән бәйле хәл импортчының финанс хезмәтенең компетентлыгына бәйле.

Эксперт билгеләп үткәнчә, сентябрь һәм октябрь айларында  да автомобильләргә бәяләр   үзгәрәчәк. Бәяләр барлыкка килүгә утильләштерү җыемнары  артуы тәэсир итә. Әмма импортчылар аны әле тулысынча бәягә кертмәгәннәр.