Башкортстанда агач утырту сезоны башлана

Подлубово. 16 сентябрь - "Балтач таңнары".  Башкортстанда «Урманны саклыйк» көзге Бөтенроссия акциясенең юбилей сезоны башлана.

Традиция буенча көзге чорда бөтен ил буенча «Урманны саклыйк» Бөтенроссия акциясе кысаларында агачлар утыртыла. Быел акция үзенең биш еллык  юбилеен  билгели һәм ул инде урман фондын торгызу буенча төп  чараларның берсенә җәверелде. 2023 елда аның максаты — 70 000 000 агач утырту. Акция «Экология» милли проекты кысаларында үткәрелә.

Башкортстан, ел саен үткәрелә торган акциядә даими актив катнашучы төбәк  буларак, шулай ук экологик инициативага кушылачак.   16 сентябрь көнне  10.00 сәгатьтә Кармаскалы районының Подлубово авылында һөнәри бәйрәм - Урман хезмәткәре көненә багышланган «Урманны саклыйк» Бөтенроссия акциясенең үзәк агач утырту чарасы узачак. Чара кысаларында 4000  карагай агачлары  үсентеләре  утырту планлаштырыла.

- Башкортстан Республикасында 15 сентябрьдән Көзге урман культуралары эшләре башлана, алар «Урманны саклыйк»Бөтенроссия акциясе эгидасы астында узачак. Агымдагы елда республика урманчылары 1,6 мең гектар мәйданда 6 миллионнан артык үсенте   утыртачак, - дип билгеләгән  үтте Башкортстан Республикасы Урман хуҗалыгы министры Марат Шәрәфетдинов.

Исегезгә төшерәбез, «Урманны саклыйк» акциясенең рәсми сайтында утырту өчен планлаштырылган территорияләр, дата, утырту материалы күләме белән танышырга, шулай ук чараны оештыручы-координаторның контакт мәгълүматларын белергә һәм катнашу өчен уңайлы локация сайларга мөмкин.