Россиядә тоткыннарны хәрби исәпкә куячаклармы?

РФ Оборона министрлыгы хәрби исәп турында нигезләмәгә үзгәрешләр кертергә тәкъдим иткән, аның нигезендә тоткыннар төзәтү колонияләрендә хәрби исәп-хисапка басарга тиеш булачак. Документ проекты норматиив-хокукый актлар порталында басылган.

Карар проекты нигезендә, ирегеннән мәхрүм итү рәвешендә җәза үтәүче гражданнарга хәрби комиссариатларга килергә кирәк булмаячак. Хәрби исәп-хисап төзәтү учреждениеләре тарафыннан башкарылачак. Алар исә тоткыннарны кабул итү, этаплау һәм азат итү буенча хәрби комиссариатларга гражданнар исемлекләрен бирәләр.

Документтан күренгәнчә, җинаять-башкару системасы учреждениеләре елына бер тапкырдан да сирәгрәк хәрби комиссариатларның хәрби исәп документлары белән мәгълүматны чагыштырырга тиеш булачак. Моннан тыш, төзәтү учреждениеләре исемлекләргә үз вакытында үзгәрешләр кертергә һәм бу хакта хәрби комиссариатларга 10 көн эчендә хәбәр итәргә тиеш.

Узган ел өчен махсус хәрби исәп-хисап үткәрү нәтиҗәләре турында хисаплар хәрби комиссариатларга 1 февральгә кадәр тапшырылырга тиеш.

Июнь башында РФ Оборона министрлыгы хәрби исәпкә куярга һәм аннан гражданнарны хәрби комиссариатка килми төшерергә тәкъдим итә. Бу хакта хәбәрләр шәхси кабинетка дәүләт һәм муниципаль хезмәтләр порталында җибәреләчәк, дип әйтелә документта. Медицина комиссиясен узу өчен килү мәҗбүри булачак. Повесткаларны хәрби исәп-хисапның бердәм реестры аша яки заказ хаты белән җибәрү планлаштырыла.

Чыганак: Ведомости