Балтачның яшь шайморатовчылары ял итәргә юлланган

Алкино. 21 август - "Балтач таңнары". Иске Балтачның  яшь шайморатовчылары бу көннәрдә Алкинодагы  “Авангард” хәрби-патриотик үзәгендә ял итә.

Иске Балтач беренче санлы урта мәктәбенең Шайморатов исемен йөрткән класында  белем алган биш укучы  Алкинога  юлланды. Алар 20 - 24 август көннәрендә " Патриот" хәрби - патриотик лагеренда булачаклар.

Алкинодагы элекке хәрби часть җирлегендә урнашкан паркта  укучылар өчен төрле  мастер-класслар, бәйгеләр, уеннар, экскурсияләр, спорт ярышлары оештырылачак.

Балаларның җитәкчесе сыйфатында класс җитәкчесе-Илназ Әхметов юлланган.