Буйдак җырчы, продюсер, аранжировкалар остасы өйләнә ди!

Татарстанның халык артисты Зәйнәб Фәрхетдинова, Зөфәр Билаловларның улы — җырчы, продюсер, аранжировкалар остасы Акбулат (чын исеме Булат — авт.) өйләнә. Бу хакта егет үзенең социаль челтәрендә хәбәр иткән.

Зәйнәб ханыма еш кына 30 яшьлек улының өйләнүенә бәйле сораулар да юллаганнар: «Кайчан өйләнә инде? Сезгә оныклар кирәк» дип язучылар да булган аларга. Ниһаять, Акбулат өйләнә.

Яшь җырчы сөйгәне белән Берләшкән Гарәп Әмирлекләрендә ял итәргә киткән булган. Шунда ул кызына тәкъдим ясаган — ул ризалашкан.

Яшь парга бәхетләр телик!

ВТ