Балтач районы башлыгы гүзәл зат вәкилләрен бәйрәм белән котлады

Иске Балтач. 8 март -"Балтач таңнары". Балтач районы хакимияте бешлыгы Илгиз Субушев районның гүзәл зат вәкилләренә Халыкара хатын-кызлар көне уңаеннан ихлас теләкләрен җиткерде.

Хөрмәтле гүзәл затларыбыз! Язның иң матур бәйрәме уңаеннан   җылы котлауларымны  кабул итегез!

Хатын – кыз булу-югары миссия. Сез дөньяга яңа тормыш бүләк итәсез, гаиләгезне бәла-казалардан   саклыйсыз. Сез шатлык һәм гармония, тынычлык  үрнәге. Якыннарыгызның тормышын бәхетле итәсез,  моңа ирешү өчен җан кайгыртучанлыгыгызны, зирәклегегезне һәм кызганучанлык осталыгыгызны мул  өләшәсез. Сез ир-атларның төп илһамландыргыч көче, тугры тормыш таянычы һәм  ярдәмчеләр. Моның өчен рәхмәт!

Хөрмәтле хатын-кызлар! Бу бәйрәм көнендә сез бик күп   җылы сүзләр ишетерсез һәм аларның берсе дә артык түгел. Өйләрегездә һәрвакыт тынычлык, мәхәббәт һәм иминлек хөкем сөрсен, ә күңелләрегез кайгыртучанлык һәм хөрмәт белән җылы булсын.

Сезгә күңел юанычы, нык сәламәтлек  һәм бәхет телим!