Владимир Путин Башкортстанның Казахстан белән хезмәттәшлеген уңай бәяләде

Россия төбәкләренең күпчелеге — 89 төбәкнең 76сы — Казахстан партнерлары белән турыдан-туры сәүдә-икътисадый элемтәләр урнаштырды, дип билгеләп үтте Россия Президенты Владимир Путин.

Россия Президенты Владимир Путин Башкортстан белән Казахстан арасындагы хезмәттәшлекне үстерү буенча даими эшләүче эш төркеменең нәтиҗәле эшен уңай бәяләде. Бу хакта ул Оренбургта узган Россия һәм Казахстан төбәкара хезмәттәшлеге XVIII форумының пленар утырышында катнашучыларга мөрәҗәгать итеп әйтте.

Дәүләт башлыгы хәбәр иткәнчә, Россия төбәкләренең күпчелеге — 89 төбәкнең 76 сы — Казахстан партнерлары белән турыдан-туры сәүдә-икътисади элемтәләр урнаштырган.

«Төбәкара элемтәләр тирәнәя бара. Узышып эшләгән шәһәрләр бергәләп һәм бик уңышлы эшлиләр,» — диде Путин.

Россия Президенты шулай ук Россия Федерациясе белән Казахстанның төрле өлкәләрдә, шул исәптән югары технологияле өлкәләрдә уртак эш перспективалары турында белдерде. Путин сүзләренчә, Казахстан икътисадына Россия капитал салуларының гомуми күләме 17 млрд доллар тәшкил итә.

"Икътисадның төп тармакларында да бергәләп 30дан артык эре инвестицион проект гамәлгә ашырыла», — дип билгеләп үтте президент.

Казахстан илдә Россия инвестицияләрен яклау өчен барысын да эшләячәк, дип белдерде республика Президенты Касыйм-Жомарт Токаев.

«Без Россия инвестицияләренең иминлеген тәэмин итү һәм аларны безнең икътисадка мөмкин кадәр күбрәк җәлеп итү өчен кулдан килгәннең барысын да эшләячәкбез,» — диде Токаев Россия һәм Казахстанның Оренбургтагы төбәкара хезмәттәшлек форумында катнашучыларга мөрәҗәгате барышында.

Ул илләргә логистик чылбырларны модернизацияләүне тизләтергә кирәклеген өстәде.

Искәртеп узабыз, 2021 елның сентябрендә Башкортстан делегациясе Радий Хабиров җитәкчелегендә Казахстанга рәсми визит белән килде, ә декабрьдә премьер-министр җитәкчелегендәге делегация Башкортстанда булды.

Чыганак: Башинформ

 РИА "Новости"