Ялангач авыл биләмәсендә янгын хәвефсезлегенә игътибар зур

Шушы көннәрдә авыл биләмәсенә янгыннарны профилактикалау үзәге инструкторы Ришат Нурихан улы Хиҗапов килде.

Файдалы киңәшләр бирде һәм үзенең тәкъдимнәрен җиткерде. Янгын чыгуны искәртә торган автоматик җайланманың булуын һәм аның эшләвен тикшерү максатыннан берничә йортта булды.

Инструктор тарафыннан күрсәтелгән игътибар өчен рәхмәт. Мондый чаралар халык өчен бик кирәк. Аңлату эшләре үзенең нәтиҗәсен бирә. Авылларда бәхетсезлек очраклары булмасын!

Расих Гафурҗанов, Ялангач авыл биләмәсе башлыгы