Россиядә юллар төзелешенә һәм реконструкцияләүгә өстәмә акчалар юнәлтелә

Мәскәү. 6 октябрь - "Баалтач таңнары". Россия төбәкләрендә юллар төзелешенә һәм реконструкцияләүгә өстәмә рәвештә 35 миллиард сум акча юнәлтеләчәк.

РФ Хөкүмәте федераль трассаларны төзүне һәм реконструкцияләүне тизләтү өчен резерв фондыннан акча бүлгән. Тиешле боерыкны РФ Хөкүмәте рәисе Михаил Мишустин имзалаган. Документ нигезендә объектлар исемлеге подрядчылар эшләрнең шактый өлешен 2022 елда ук башкара алсын өчен формалаштырылган.

"Бөтен ил аша заманча терәк магистральләрен булдыру төбәкләр икътисадын үстерүгә, безнең миллионлаган гражданнарның тормыш сыйфатын яхшыртуга ярдәм итәчәк", - дип билгеләгән  Михаил Мишустин.

Өстәмә финанслау нәтиҗәсендә «Имин сыйфатлы юллар» илкүләм проектының «Федераль магистраль челтәрен үстерү» федераль проекты кысаларында төзелеш һәм реконструкция буенча 34 объектның техник әзерлеге тизләтеләчәк.  Шәһәрләрне урап узу юллары, күперләр  һәм юлүткәргечләре   югары социаль әһәмияткә ия.

Әйтик, Краснодар-Славянск-на Кубани-Темрюк-Новороссийск – Керчь А – 290 автомобиль юлы А-289 юл төзелешен тизләтү өчен өстәмә акча бүлеп бирелә. Әлеге объектны гамәлгә ашыру Кубань белән Кырымны заманча дүрт полосалы беренче техник категорияле юллар белән тоташтырачак: һәр юнәлештә икешәр  полоса.

Резерв фондыннан акча ике диңгез портына һәм дәүләт чигенә алып баручы «Скандинавия» А-181 трассасы участокларын төзеп бетерүгә бүлеп биреләчәк. Реконструкция нәтиҗәсендә участокта Выборгка кадәр җиткәнче  хәрәкәт полосалары  алтыга кадәр хәрәкәт  җиткерелә, аннары Торфяновкага кадәр-дүрт  полоса илтәчәк. Каршы  полосаларны аерачаклар, шулай ук төрле дәрәҗәдәге региональ трассалар белән төп юлның куркынычсыз киселеше тәэмин ителәчәк.

Өстәмә финанслауны Мәскәү – Казан – -Екатеринбург маршрутына керә торган Түбән Кама һәм Чаллы буйлап йөреп чыгу төзелешенә дә юнәлтәчәкләр.  Урап узу юлының  озынлыгы 81 км тәшкил итә, ул агломерацияләрнең юл челтәрен бушатып, шәһәрләрдән транзит транспортын чыгарып кына калмыйча,   юлда булу  вакытын ике тапкыр кыскартачак.

Моннан тыш, өстәмә акчалар Чувашия, Татарстан һәм Башкортстанда М-7 «Волга» трассасы участокларын, Чиләбе өлкәсендә М-5 «Урал» юлының берничә участогын, Вологда өлкәсендә А-114 автомобиль юлын реконструкцияләү участокларын, Приморье краенда А-370 «Уссури» трассасының ике участогын, Ростовка-на-Дону, Владикавказны урап узу юлларын реконструкцияләүгә дә юнәлтеләчәк.