Балтач гимнастлары "Өмет Кубогы"нда уңышлы чыгыш ясаган

Ижевск. 17 сентябрь -"Балтач таңнары". Иске Балтачның "Агыйдел-Йолдызчыклар" гимнаст кызлар командасы Ижевск шәһәрендә узган "Өмет кубогы" бөтенрусия ярышларында призлы урын яулаган.

Бу хакта ярышларны оештыру комитетының рәсми сайты хәбәр итә.

Гимнаст кызлар һәм хатын-кызлар арасында "Өмет кубогы" бөтенрусия ярышлары 14-17 сентябрь көннәрендә Ижевск шәһәрендәге Коворкинг "Арена" да узды.

Анда алты йөздән артык гимнаст үзләренең яшь категориясендә осталыкларын сынаган.

Балтач районы данын " Яшьлек" ФСКның гимнастика секциясендә шөгыльләнгән "Агыйдел-Йолдызыклар" командасы лаеклы яклаган. Алар кече яшьтәге  гимнаст кызлар арасында узган ярышларда беренче урындалар. Ә өлкәнрәк яшьтәге гимнастлар арасында Ижевскның "Триумф" спорт мәктәбенең «Роксэт-Адамас»  командасы, шулай ук Тула шәһәре гимнастлары  яхшы чыгыш күрсәткән һәм призлы урыннар яулаган.

Хуҗаларны уздырган гимнаст кызларыбызны чираттагы җиңүләре белән ихлас тәбрик итәбез.

Гимнаст кызларыбыз тренер Наталья Абдуллина җитәкчелегендә шөгыльләнә.